प्रदेश सरकार, लुम्बिनी प्रदेशको मिति २०७६/०६/२४ को निर्णयानुसार मिति २०७६/०९/२४ गते रुकुम (पूर्व) जिल्लामा "सडक पूर्वाधार विकास कार्यालय" स्थापना भएको हो । जिल्लाभित्रका सडकहरू बनाउने, स्तरोन्नति गर्ने र मर्मतसम्भार गरी बाह्रै महिना यातायात सुचारु गर्नु यस कार्यालयको मुख्य दायित्व हो । सडकका अलावा सडक पुल र झोलुंगे पुलको समेत निर्माण गर्ने र मर्मत सम्भार गर्ने जिम्मेवारी यस कार्यालयको रहेको छ । यस कार्यालयले स्वीकृत वार्षिक कार्यक्रमअनुसार विभिन्न सडक र पुलको प्रतिस्पर्धात्मक खुला बोलपत्र आह्वान गरी सडक र पुल निर्माण कार्य अगाडि बढाएको छ । लागतप्रभावी योजना र गुणस्तरीय काममा यस कार्यालयको मुख्य ध्यान रही आएको छ ।